साविक विजेता स्पेनिस क्लब रियल म्याड्रिडले युइएफए च्याम्पियन्स लिगमा विजयी सुरूआत गरेको छ ।
स्कटिस क्लब सेल्टिकमाथि उसकै मैदानमा ३–० को सहज जित निकाल्दै कीर्तिमानी १४ पटकको च्याम्पियन रियलले सानदार सुरूआत गरेको हो।
रियलको जितमा भिनिसियस जुनियर, लुका मोड्रिच र इडेन हाजार्डले गोल गरे।
सेल्टिक पार्क ग्लास्गोमा मंगलबार राति भएको खेलमा पहिलो हाफ गोलरहित बराबरीमा सकिएको थियो।
दोस्रो हाफमा थप आक्रम देखिएको रियलले तीन गोल गर्यो।
खेलको ५० औं मिनेटमा भिनिसियस जुनियरले गोल गर्दै रियललाई सुरूआती अग्रता दिलाए। यस्तै ६०औं मिनेटमा लुका मोड्रिचले गोल गर्दै रियलको अग्रता दोब्बर पारे।
७७औं मिनेटमा हाजार्डले गोल गर्दै रियलको जित पक्का गरे। घुँडामा समस्या देखिएपछि गत सिजनको सर्वाधिक गोलकर्ता बेन्जेमा खेलको ३० मिनेटमा मैदान छोडेका थिए।
यो जितसँगै रियलले समूह ‘एफ’ मा ३ अंक जोडेको छ। साख्तर डोनेस्कले पनि ३ अंक जोडेको छ। आरबी लाइप्जिग र सेल्टिकले अंक जोड्न सकेका छैनन्।
यही समूहको अर्को खेलमा युक्रेनी क्लब साख्तर डोनेस्कले आरबी लाइप्जिङलाई उसकै मैदानमा ४–१ ले हराउँदै विजयी सुरूआत गरेको छ।
