इंग्लिस क्लब चेल्सीले युरोपेली च्याम्पियन्स लिगमा समूह चरणको पहिलो खेलमा क्रोएसियाको डिनामो जाग्रेबसँग हार बेहोरेको छ।
जाग्रेबले घरेलु मैदानमा चेल्सीलाई १-० ले स्तब्ध पारेका हो।
जाग्रेबको जितमा मिस्लाभ ओर्सिचले १३ औं मिनेटमा गरेको गोल नै निर्णायक बन्यो।
चेल्सीले गोल गर्ने केही राम्रा मौका गुमाउँदा लिगमा हारबाट यात्रा सुरू गर्नुपर्यो।
यस समूहको अर्को खेलमा एसी मिलान र आरबी साल्जबर्गले १-१ गोलको बराबरी खेलेका छन्।
