भुटानमाथि सानदार जित निकाल्दै बंगलादेश काठमाडौंको दशरथ रंगशालामा जारी महिला साफ च्याम्पियनसिपको फाइनलमा पुगेको छ।
शुक्रबार भएको पहिलो सेमिफाइनल खेलमा बंगलादेशले भुटानलाई ८-० गोलले पराजित गरेको थियो।
बंगलादेशले दुवै हाफमा चार चार गोल गरेको थियो। बंगलादेशका लागि कप्तान सिना खातुनले ह्याट्रिक गरिन्।
बंगलादेश साफ महिला च्याम्पियनसिपको फाइनलमा पुगेको यो दोस्रो पटक हो।
यसअघि सन् २०१६ मा पनि बंगलादेशले फाइनलमा स्थान बनाएको थियो। तर फाइनलमा भने भारतसँग पराजित भएको थियो।
अब बंगलादेशले उपाधिका लागि नेपाल र भारतबीच आज साँझ हुने दोस्रो सेमिफाइनलको विजेतासँग खेल्नेछ।
