धनगढीमा हुने सुदूरपश्चिम राजधानी कप २०७९ को ट्रफी र खेल तालिका सार्वजनिक भएको छ।
पिएफए स्पोटर्स क्लबको आयोजनामा हुने प्रतियोगिताअसोज ८ गतेदेखि १५ गतेसम्म धनगढीमा हुनेछ।
नवौं राष्ट्रिय खेलकुद प्रतियोगितामा सहभागीता जनाउने ७ वटा प्रदेशका टोली र एक घरेलु टोली गरी ८ टिमको सहभागीता रहेको प्रतियोगिता संयोजक दिनेश श्रेष्ठले जानकारी दिए।
प्रतियोगिताको उद्घाटन खेलमा सुदूरपश्चिम प्रदेश रातो र कर्णाली प्रदेश प्रतिस्पर्धा गर्नेछन्। सुदूरपश्चिम प्रदेश रातो, कर्णाली, बागमती र प्रदेश नम्बर १ समुह ‘ए’मा रहेका छन्। समुह ‘बी’मा मधेश प्रदेश, लुम्बिनी, गण्डकी र सुदूरपश्चिम निलो रहेका छन्।
प्रतियोगिताको विजेताले नगद ५ लाख र उपविजेताले नगद ३ लाख प्राप्त गर्नेछन्। विभिन्न विधाका उत्कृष्ट खेलाडीहरुले जनही १० हजार नगद पाउँदा उत्कृष्ट खेलाडीले नगद २० हजार प्राप्त गर्नेछन्।
