करिम बेन्जेमाले यस वर्षको पिचिची अवार्ड जितेका छन्। स्पेनिस क्लब रियल म्याड्रिडका फ्रान्सेली फरवार्ड बेन्जेमाले पहिलो पटक यो अवार्ड हात पारेका हुन्।
गत सिजन ला लिगाका सर्वाधिक गोलकर्ता बेन्जेमालाई स्पेनिस पत्रिका मार्काले बुधबार राति यो ट्रफी दिएको हो।
बेन्जेमाले गत सिजन ला लिगामा ३२ खेलबाट २७ गोल गरेका थिए। गत सिजन रियल म्याड्रिडले ३५औं पटक ला लिगाको उपाधि जितेको थियो।
आफू विश्वको उत्कृष्ट टोलीबाट खेल्न पाउँदा निकै भाग्यमानी भएको भन्दै उनले आफ्नो प्रदर्शनमा गर्व गर्ने बताए।
पिचिची ट्रफी लियोनेल मेसीले सर्वाधिक ८ पटक जितेका छन्। यस्तै क्रिस्टियानो रोनाल्डोले ३ पटक जितेका छन्।
