म्यानचेस्टर सिटीले प्रिमियर लिगमा अपराजित यात्रा कायम राख्दै शीर्ष स्थानमा उक्लिएको छ। घरेलु मैदानमा सिटीले शनिबार साउथह्याम्टनमाथि ४–० को सहज जित निकाल्दै नवौं खेलसम्म अपराजित यात्रा कायमै राख्यो।
सिटीको जितमा जोआ कान्सेलो, फिल फोडना, रियाद मोहेरेज र इर्लिङ हालान्डले एक एक गोल गरे।
खेलको २० औं मिनेटमा कान्सेलोले गोल गर्दै घरेलु टोलीलाई सुरुआती अग्रता दिलाए।
फोडानले ३२ औं मिनेटमा गोल गर्दै सिटीको अग्रता पहिलो हाफमै दोब्बर पारे।
खेलको ४९ औं मिनेटमा माहरेजले गोल गर्दै सिटीलाई एकतर्फी अग्रता बढाउँदै लगे। हालान्डले ६५ औं मिनेटमा गोल गरेपछि सिटीको जित सहज बनेको थियो।
जितसँगै सिटी शीर्षस्थानमा उक्लिएको हो। ९ खेलमा ७ जित र २ बराबरीका साथ सिटीको २३ अंक भएको छ। एक खेल कम खेलेको आर्सनल २१ अंकसहित दोस्रो स्थानमा छ। तेस्रो स्थानमा रहेको टोटनह्यामको समान ९ खेलबाट २० अंक जोडेको छ। १६ औं स्थानमा रहेको पराजित साउथह्याम्टनको ७ अंक छ।
