बोडो ग्लिम्टमाथि संघर्षपूर्ण जित निकाल्दै आर्सनलले युरोपा लिगमा शतप्रतिशत जित निकालेको छ।
बुकायो साकाको निर्णायक गोलमा इंग्लिस क्लब आर्सनलले १-० को जित निकाल्दै नकआउट प्रवेशको सम्भावना बलियो बनाएको हो।
आर्सनलको जितमा साकाले पहिलो हाफमा गरेको गोल नै निर्णायक बन्यो। उनले खेलको २४ औं मिनेटमा गोल गरेका थिए।
यस जितसँगै आर्सनल युरोपा लिगको समूह ‘ए’ मा ३ खेलबाट ९ अंक जोडेर शीर्ष स्थानमा छ। बोडो ग्लिम्ट ४ अंक जोडेर तेस्रो स्थानमा रहेको छ ।
यहीँ समूहको अर्को खेलमा पिएसभी इन्डोभेनले एफसी जुरिचलाई ५–० ले हराउँदै दोस्रो स्थानमा उक्लिएको छ।
यस जितसँगै पिएसभी ३ खेलबाट ७ अंक जोडेर दोस्रो स्थानमा रहेको छ। पराजित जुरिच अंकविहीन हुँदै पुछारमा छ।
समूहको शिर्ष स्थानमा रहने टोली नकआउट चरणमा पुग्छ भने दोस्रो हुने टोलीले प्लेअफ खेल्नुपर्नेछ। तेस्रो हुने टोलीले युरोपा कन्फ्रेन्स लिगमा खेल्नुपर्नेछ।
