इंग्लिस क्लब म्यानचेस्टर युनाइटेडले युरोपा लिगको नकआउट चरणमा प्रवेश गर्ने सम्भावना जिवितै राखेको छ।
गएराति युनाइटेडले घरेलु मैदानमा साइप्रसको ओमोनिया निकोसियामाथि १–० संघर्षपूर्ण जित निकाल्दै नकआउटको सम्भावना कायमै राखेको हो।
युनाइटेडको जितमा इन्ज्युरी समयमा स्कट म्याकटोमिनेले निर्णायक गोल गरे।
यो जितसँगै युनाइटेड समूह ‘सी’ मा ४ खेलबाट ९ अंक जोडेर दोस्रो स्थानमा यथावत छ। पराजित निकोसिया अंकविहीन हुँदै पुछारमा छ ।
यहीँ समूहको अर्को खेलमा स्पेनिस क्लब रियल सोसिडाडले १० खेलाडीमा समेटिएको मोल्दोभाको एफसी सेरिफलाई ३–० ले हराउँदै शतप्रतिशत जित निकालेको छ।
यो जितसँगै रियल सोसिडाड लगातार चार खेलमा जित निकाल्दै १२ अंक जोडेर शीर्षस्थानमा रहेको छ। पराजित सेरिफ ३ अंक जोडेर तेस्रो स्थानमा छ।
