यस वर्षको सहिद स्मारक ए डिभिजन लिग डबल राउण्ड रोविनमा सञ्चालन हुने भएको छ।
अखिल नेपाल फुटबल संघ एन्फा र ए डिभिजनका क्लबबीच मंगलबार काठमाडौंमा भएको छलफलले ए डिभिजन लिगलाई डबल राउण्ड रोविनमा सञ्चालन गर्ने निर्णय गरेको हो।
५ महिनासम्म चल्ने लिग पुस २६ गतेबाट सुरू भएर जेष्ठ २० गते सम्पन्न हुनेछ।
लिगका खेललाई उपत्यका बाहिर पनि आयोजना गर्ने तयारी एन्फाले गरेको छ। लिगलाई व्यवस्थित गर्ने सन्दर्भमा कात्तिक १४ गते कार्यशाला गोष्ठीको आयोजना गर्ने निर्णयसमेत भएको छ।
यसअघि साउन २६ गते बसेको एन्फा केन्द्रिय समितिको बैठकले ए, बी र सी डिभिजन लिगको मिति गय गरेको थियो। उक्त मिति अनुसार ए डिभिजन लिग पुस ८ गते देखि चैत ४ गतेसम्म सञ्चालन गर्ने तय भएको थियो।
