आगामी मंसिर ४ गतेदेखि एसियाली मुलुक कतारमा आयोजना हुने फिफा विश्वकप २०२२ कतारको लागि इंग्ल्यान्डले अन्तिम टोलीको घोषणा गरेको छ।
प्रशिक्षक ग्यारेथ साउथगेटले मिडफिल्डर जेम्स म्याडीसनलाई समेट्दै २६ सदस्यीय अन्तिम टोली घोषणा गरेका हुन्।
म्यानचेस्टर युनाइटेडका फरवार्ड मार्कस रासफर्ड र न्युकासल युनाइटेडका क्यालम विल्सन, म्यानचेस्टर सिटीका फुल ब्याक काइल वाकर र आर्सनलका डिफेन्डर बेन ह्वाइटले टोलीमा स्थान बनाउँदा ब्रेन्टफर्डका आइभन टोनी र वेष्टह्यामका जेरड बोवेन भने टोलीसँग कतार यात्रा गर्ने छैनन्।
चोटका कारण डिफेन्डरद्वय रिस जेम्स र बेन चिल्वेल टोलीमा रहेका छैनन्।
इंग्ल्यान्ड विश्वकपको समूह बी मा रहेको छ। यो समूहमा वेल्स, इरान र अमेरिका छन्। इंग्ल्यान्डले पहिलो खेल मंसिर ५ गते इरानसँग खेल्नेछ।
इंग्ल्यान्डको अन्तिम टोली :
- गोलरक्षक : जोर्डन पिकफर्ड, निक पोप, आरोन राम्सडेल
- डिफेन्डर : ह्यारी मगाएर, लुक शा, एरिक डाएर, जोन स्टोन्स, काइल वाल्कर, काइरान ट्रीपिएर, कनर कोडी, बेन व्हाइट, ट्रेन्ट एलेक्जेन्डर आर्नोल्ड
- मिडफिल्डर : जुड बेलिंघम, मेसन माउन्ट, कनर ग्यालाघर, डेक्लन राइस, जोर्डन हेन्डरसन, काल्भिन फिलिप्स
- फरवार्ड : जेम्स म्याडीसन, फिल फोडेन, ज्याक ग्रिलिस, ह्यारी केन, बुकायो साका, रहिम स्टर्लिङ, क्यालम विल्सन, मार्कस रासफर्ड
