फिफा विश्व वरियतामा नेपाल यथावत रहेको छ। नोभेम्बर महिनामा नेपाल १७५ औं स्थानमा छ। अघिल्लो महिनामा पनि नेपाल १७५ औं स्थानमै थियो।
सार्क राष्ट्रमा भारत १०६औं स्थानमा छ। माल्दिभ्स १५६औं, भुटान १८५औं, बंगलादेश १९२औं, पाकिस्तान १९५औं र श्रीलंका २०७औं स्थानमा छन्।
पाँच पटकको विश्व च्याम्पियन ब्राजिल फिफा विश्व वरियताको शीर्ष स्थानमा कायमै छ।
३६ वर्षपछि फ्रान्सलाई हराएर विश्व विजेता बनेको अर्जेन्टिना फिफाले नोभेम्बर महिनाको विश्व वरियता बिहीबार सार्वजनिक गर्दा दोस्रो स्थानमा छ।
ब्राजिलले फेब्रुअरीमा दक्षिण अमेरिकी प्रतिद्वन्द्वी बेल्जियमलाई पछि पारेदेखि विश्व नम्बर १ मा कायमै छ।
हालै सम्पन्न विश्वकपमा ब्राजिलले तीन खेलमा जित हात पार्दा समूह चरणको अन्तिम खेलमा क्यामरूनसँग अप्रत्यासित हार व्यहोरेको थियो।
दक्षिण कोरियालाई अन्तिम १६ मा हराएको ब्राजिल क्वार्टरफाइनलमा क्रोएसियासँग पेनाल्टी सुटआउटमा पराजित भएको थियो।
यस्तै विश्व विजेता अर्जेन्टिनाले विश्वकपका ४ खेलमा जित निकाल्यो। साउदी अरेबियासँग हारेको अर्जेन्टिनाले दुई खेल (क्वार्टर फाइनल र फाइनल) पेनाल्टी सुटआउटमा जितेको थियो।
सन् २०२१ को कोपा अमेरिका जितेको विश्व च्याम्पियन अर्जेन्टिनालाई विश्व वरियाताको शीर्ष स्थान पुग्न पर्याप्त रहेन।
पेनाल्टी सुटआउटमा खेलको निर्णय भएकाले जितेका खेलहरू पनि बराबरी नै मानिन्छन्।
यदि अर्जेन्टिना वा फ्रान्सले १२० मिनेट भित्र फाइनल जितेको भए तिनीहरू नम्बर एकमा पुग्ने थिए। तर पेनाल्टी सुटआउटको निर्णयले ब्राजिललाई फाइदा भयो।
यो महिनाको वरियतामा अर्जेन्टिना र फ्रान्स क्रमशः दोस्रो र तेस्रो स्थानमा छन्। दोस्रो स्थानमा रहेको बेल्जियम समूह चरणबाटै बाहिरिएकाले दुई स्थान तल झरेर चौथो स्थानमा पुगेको छ।
यस्तै इंग्ल्याण्ड पाँचौं स्थानमा कायमै रहँदा क्वार्टरफाइनलमा पुगेको नेदरल्यान्ड्स दुई स्थान माथि उक्लदै छैठौं स्थानमा छ।
विश्वकपमा तेस्रो भएको क्रोएसिया १२औं स्थानबाट ५ स्थान माथि उक्लँदै सातौं स्थानमा छ।
कतार विश्वकपमा छनोट हुन नसकेको इटाली दुई स्थान तल झरेर आठौं स्थानमा झरेको छ। पोर्चुगल नवौं स्थानमा यथावत रहँदा समूह चरणबाटै बाहिरिएको स्पेन तीन स्थान तल झरेर १० औं स्थानमा पुग्नेछ।
यस्तै मोरक्को आफूलाई ब्यापक सुधार गरेका छ। विश्वकपमा चौथो भएको मोरक्को ११ औं स्थान माथि उक्लँदै ११ औं स्थानमा पुग्ने भएको छ।
यस्तै अर्जेन्टिनासँग प्रि-क्वार्टरफाइनलमा पराजित भएको अष्ट्रेलिया ३८ औं स्थानबाट ११ स्थान माथि उक्लँदै २७ औं स्थानमा पुगेको छ।
यस्तै समूह चरणमा ब्राजिललाई हराएको क्यामरून पनि १० स्थान माथि उक्लँदै ३३ औं स्थानमा पुगेको छ।
यस्तै अमेरिका ३ स्थान माथि उक्लिएर १३ औं स्थानमा पुग्दा मेक्सिको २ स्थान तल झरेर १५ औं स्थानमा पुगेको छ।
विश्वकपको समूह चरणबाटै बाहिरिएको आयोजक राष्ट्र कतार र क्यानडा समान १२ स्थान तल खस्किएका छन्। ५० औं स्थानमा रहेको कतार ६२ औं स्थानमा पुग्दा ४१ औं स्थानमा रहेको क्यानडा ५३ औं स्थानमा पुगेको छ।
यी हुन् शीर्ष २० राष्ट्र
१. ब्राजिल
२. अर्जेन्टिना
३. फ्रान्स
४. बेल्जियम
५. इङ्गल्याण्ड
६. नेदरल्याण्ड्स
७. क्रोएसिया
८. इटाली
९. पोर्चुगल
१०. स्पेन
११. मोरक्को
१२. स्विट्जरल्याण्ड
१३. संयुक्त राज्य अमेरिका
१४. जर्मनी
१५. मेक्सिको
१६. उरुग्वे
१७. कोलम्बिया
१८. डेनमार्क
१९. सेनेगल
२०. जापान
