म्यानचेस्टर युनाइटेडले नटिंघम फरेस्टमाथि ३–० को हज जित हात पारेको छ।
इंग्लिस प्रिमियर लिगअन्तर्गत मंगलबार राति भएको खेलमा म्यानचेस्टर युनाइटेडलाई जिताउन मार्कस रासफोर्ड, एन्टोनी मार्सियल र फ्रेडले गोल गरे।
खेलको १९ औं मिनेटमा रासफोर्डले गोल गर्दै सुरुआती अग्रता दिलाए। त्यसको ३ मिनेटपछि एन्टोनी मार्सियलले गोल गर्दै युनाइटेडको अग्रता पहिलो हाफमै दोब्बर बनाए।
यस्तै अन्तिम समयमा खेलको ८७ औं मिनेटमा फ्रेडले गोल गर्दै युनाइटेडलाई सहज जित दिलाए।
यो जितसँगै लिगको पाँचौं स्थानमा रहेको युनाइटेडले १५ खेलबाट २९ अंक हात पारेको छ।
एक खेल बढी खेलेको टोटनह्याम ३० अंकसहित चौथो स्थानमा रहँदा १ खेल कम खेलेको म्यान्चेष्टर सिटी ३२ अंकसहित तेस्रो स्थानमा छ।
१६ खेलबाट ३३ अंक जोडेको न्यूक्यासल दोस्रो र १५ खेलबाट ४० अंक जोडेको आर्सनल शीर्ष स्थानमा छ।
