ए डिभिजन क्लब संकटाले ६ जना खेलाडीसँग सम्झौता गरेको छ। संकटाले ए डिभिजन लिगसहित मोफसलका प्रतियोगिताका लागि ६ खेलाडी भित्र्याएको जनाएको छ।
६ जना खेलाडीमा मिडफिल्डर सुरजजिउ ठकुरी, विंगरद्वय आयुष घलान र सुनील बल, डिफेन्डरद्वय गौतम श्रेष्ठ र निशान खड्का तथा गोलकिपर टिकेन्द्र थापा छन्।
ए डिभिजन लिगको तयारी अघि क्लबले पोखरामा आहा रारा गोल्डकप खेल्नेछ। त्यसपछि क्लबले ए डिभिजन लिगको तयारी गर्नेछ।
संकटाले गत सिजन सुरुवातमा उत्कृष्ट खेलेको थियो। संकटाले गत सिजन सातौं स्थानमा रहेर लिग सकेको थियो।
अखिल नेपाल फुटबल संघ (एन्फा) ले ए डिभिजन लिगको मिति भने अझै टुंग्याउन सकिरहेको छैन।
तर पनि क्लबहरुले नयाँ सिजनका लागि खेलाडी भित्र्याउन थालेका छन्।
