सातदोबाटोस्थित एन्फा कम्प्लेक्समा अखिल नेपाल फुटबल संघ (एन्फा) र ए डिभिजन क्लबबीच बिहीबार भएको बैठकमा सहिद स्मारक ‘ए’ डिभिजन लिग २०७९ मार्च ३, २०२३ (फागुन १९ गते) बाट सुरु गर्ने सहमति भएको छ।
यो सिजनको लिग डबल राउण्ड रोबिन फर्म्याटमा खेलाइनेछ।
बैठकमा सबै ए डिभिजन क्लबका प्रतिनिधिको उपस्थिति रहेको थियो।
गत डिसेम्बर २२ मा दुवै पक्षको भेटवार्ता सकारात्मक रुपमा टुंगिएको थियो।
बैठकमा एन्फाका अध्यक्ष पंकजविक्रम नेम्वाङ, उपाध्यक्ष विराटजंग शाही, दीपक खतिवडा र दावा लामा, सदस्य रुपेश अधिकारी र पेमा लामा, महासचिव किरण राई, कोषाध्यक्ष रवीन्द्र जोशी र प्रवक्ता सुरेश शाहको उपस्थिति थियो।
