सहिद स्मारक ए डिभिजन लिगको नवप्रवेशी क्लब चर्च ब्वाइज युनाइटेड पोखरामा जारी आहा रारा गोल्डकपको सेमिफाइनलमा प्रवेश गरेको छ।
चर्च ब्वाइजले आइतबार भएको क्वार्टरफाइनलमा मछिन्द्र फुटबल क्लबलाई ३-१ गोलले पराजित गर्दै अन्तिम चारमा स्थान पक्का गरेको हो।
चर्च ब्वाइजका लागि आसिष चापागाइँले दुई गोल गरे। उनले खेलको २३ र पहिलो हाफको इन्जुरी टाइमको तेस्रो मिनेटमा गोल गरेका थिए।
यस्तै आसिष चौधरीले चर्च ब्वाइजका लागि खेलको ६४ मिनेटमा तेस्रो गोल गरे।
मछिन्द्रका लागि सौरभ सुब्बाले ८९ मिनेटमा गोल गरे।
अब चर्च ब्वाइजले अन्तिम चारमा मनाङ मर्स्याङ्दी क्लब र भुट्निज युथ एससी युएसएबीचको खेलको विजेतसँग खेल्नेछ।
