त्रिभुवन आर्मीलाई पराजित गर्दै संकटा क्लब आहा रारा गोल्डकपको सेमिफाइनलमा प्रवेश गरेको छ।
सोमबार भएको क्वार्टरफाइनलमा आर्मीमाथि संकटाले ३-१ गोलको जित निकाल्यो।
पोखरा रंगशालामा भएको खेलमा आर्मीले पहिले अग्रता लियो। आर्मीका लागि खेलको १४औं मिनेटमा नवयुग श्रेष्ठले गोल गरेका थिए।
खेलको ३६ मिनेटमा मिसोउकेले संकटाका लागि बराबरी गोल गर्न सफल भए।
७९ मिनेटमा सुरज जिउ ठकुरीले गोल गरेपछि संकटाले खेलमा अग्रता लियो।
दोस्रो हाफको इन्जुरी टाइमको चौथो मिनेटमा स्टेफिनले तेस्रो गोल गरेपछि संकटाको जित पक्का भयो।
अब सेमिफाइनलमा संकटाले साविक विजेता एपिएफसँग प्रतिस्पर्धा गर्नेछ।
