इंग्लिस प्रिमियर लिग फुटबलमा शीर्ष स्थानको आर्सनल बराबरीमा रोकिएको छ।
आफ्नै घरेलु मैदान इमिरेट्समा जित निकाल्दै १० अंकको अग्रतासहित शीर्ष स्थानमा कायमै रहने अवसर भए पनि न्युकासलको बलियो चुनौतीसामू आर्सनल एक अंकमा चित्त बुझाउन बाध्य भयो।
घरेलु मैदानमा पाएको अवसरलाई सदुपयोग गर्न नसक्दा आर्सनल बराबरीमा रोकिनु परेको हो ।
यो बराबरीसँगै आर्सनल ४४ अंकमा लिग तालिकाको शीर्ष स्थानमा कायमै छ। दोस्रो स्थानमा रहेको म्यानचेस्टर सिटीको ३६ अंक छ। आर्सनललाई बराबरीमा रोकेको न्युकासल ३५ अंकसहित तालिकाको तेस्रो स्थानमा उक्लिएको छ।
