बर्नमाउथमाथि सहज जित हात पार्दै इङ्लिस प्रिमियर लिगमा म्यानचेस्टर युनाइटेड शीर्ष चारमा उक्लिएको छ।
युनाइटेडले घरेलु मैदानमा बर्नमाउथमाथि ३–० को सहज जित निकाल्दै चौथो स्थानमा ५ अंकको अग्रता बनाएको छ।
युनाइटेडको जितमा क्यासेमिरो, लुके सा र मार्कस रासफर्डले गोल गरे ।
ओल्ड ट्राफोर्डमा मंगलबार राति भएको खेलको २३औं मिनेटमा क्यासेमिरोको गोलबाट युनाइटेडले सुरूआती अग्रता लिएको थियो।
पहिलो हाफमा १-० ले अघि रहेको युनाइटेडका लागि ४९ औं मिनेटमा लुके साले गोल गर्दै युनाइटेडको अग्रता दोब्बर पारे।
त्यसपछि निर्धारित समयको खेल सकिन ४ बाँकी रहँदा मार्कस रासफर्डले गोल गोल गर्दै युनाइटेडको जित पक्का गरे।
यस जितसँगै चौथो स्थानमा रहेको युनाइटेडको १७ खेलबाट ३५ अंक पुगेको छ। यो सँगै पाँचौ स्थानको टोटनह्यासँग ५ अंकको अग्रता बनाएको छ।
एक खेल बढी खेलेको न्यूक्यासलको पनि समान ३५ अंक रहे पनि गोल अन्तरमा तेस्रोमा छ। पराजित बर्नमाउथ १८ खेलबाट १६ अंक जोडेर १५औं स्थानमा छ।
