म्यानचेस्टर सिटी इएफएल अर्थात कारवाओ कपको क्वाटरफाइनलबाटै बाहिरिएको छ। प्रिमियर लिग टोली साउथह्यान्टनसँग गएराति २-० गोल अन्तरमा पराजित हुँदै सिटी अन्तिम आठबाटा बाहिरिएको हो।
सेन्ट मेरिज स्टेडियममा सिटीलाई स्तब्ध पार्न घरेलु टोलीका सेकोउ मारा र मोउसा जनेपोले गोल गरेका थिए।
खेलको २३औं मिनेटमा सेकोउ माराको गोल गर्दै घरेलु टोलीलाई सुरूआती अग्रता दिलाए। त्यसको ६ मिनेट भित्रै मोउसा जनेपोले गोल गर्दै साउथह्याम्टनको अग्रता दोब्बर पारे। पहिलो ३० मिनेट भित्र २-० ले पछि परेको सिटी खेलमा फर्कन सकेन।
दोस्रो हाफमा उत्कृष्ट पुनरागमन गर्दै बल पोसेसन राखे पनि घरेलु टोलीमाथि गोल गर्न असफल हुँदा साउथह्याम्टनले अग्रतालाई जोगाउँदै जित निकाल्न सफल भयो।
