आर्सनल माथि संघर्षपूर्ण जित निकाल्दै म्यानचेस्टर सिटी एफए कपको पाँचौ चरणमा प्रवेश गरेको छ।
इतिहाद स्टेडियममा गए राती भएको खेलमा आर्सनललाई १- ० गोल अन्तरमा हराउँदै सिटीले अघिल्लो चरणको यात्रा तय गरेको हो।
प्रिमियर लिग उपाधि दौडमा अघि रहेको आर्सनल र उसलाई पछ्याइरहेको सिटीले पहिलो हाफ गोलरहित बराबरी खेलेका थिए।
तर दोस्रो हाफको ६४ औं मिनेटमा नाथम आकेले गोल गर्दै सिटीलाई अग्रता दिलाए। उक्त अग्रता जोगाउँदै सिटीले कठिन जित निकालेको हो।
प्रिमियर लिग तालिकामा भने आर्सनल सिटीभन्दा पाँच अंकले अघि रहँदै शीर्ष स्थानमा छ।
