सुरुवाती अग्रता जोगाउन नसक्दा लिभरपुल एफए कपको चौथो चरणबाटै बाहिरिएको छ।
लिभरपुल घरेलु टोली ब्राइटनसँग २–१ ले पराजित हुँदै एफए कपको चौथो चरणबाटै बाहिरिएको हो ।
गएराति दि अमेरिकन एक्सप्रेस कम्युनिटी स्टेडियम फाल्मेरमा ब्राइटनलाई जिताउन लेविस डंक र काओरु मिटोमाले गोल गरे। लिभरपुलका आर्भे एलिओटको गोल सान्त्वना बन्यो।
खेलको ३० औं मिनेटमा हार्भे एलिओटको गोल गर्दै लिभरपुललाई सुरूआती अग्रता दिलाएका थिए। उनले मोहम्मद सलाहको पासमा गोल गरेका हुन्।
तर लिभरपुलले त्यो अग्रतालाई बचाउन सकेन। ३९औं मिनेटमा लेविस डंकले गोल गर्दै खेललाई पहिलो हाफमै बराबरीमा ल्याए। उनले तारिक लाम्पाटेको पासलाई सदुपयोग गरेका थिए।
त्यसपछि बराबरीतर्फ धकेलिएको खेलको अन्त्यतिर काओरु मिटोमाले गोल गर्दै लिभरपुललाई २–१ ले स्तब्ध पार्दै टोलीलाई एफए कपको पाँचौ राउन्डमा प्रवेश गराए।
