खुम्जुङ युवा क्लबको आयोजनामा शेर्पा समुदायको सबैभन्दा ठूलो खेलकुद प्रतियोगिता १३ औं खुम्बु ल्होसार कप यही माघको अन्तिम साता काठमाडाैंमा आयोजना हुने भएको छ।
ल्होसार (नयाँ वर्ष) को अवसरमा विगत १२ वर्षदेखि आयोजना हुँदै आएको खुम्बु ल्होसार कप यस वर्ष माघ २८ गतेबाट ६ फागुनसम्म हुने जानकारी गराएको छ।
सोलुखुम्बुस्थित खुम्बु पासाङ ल्हामु गाउँपालिकाको विभिन्न गाउँमा जन्मिएर हाल काठमाडौँमा रहेका युवा पुस्ताको खेलकुदप्रति लगाव र प्रतिभाको प्रदर्शन, प्रस्फुटन र समुदायका सम्पूर्णलाई एउटै ठाउँमा जोड्न शेर्पा समुदायको सबैभन्दा ठू0लो खेलकुद प्रतियोगिता गत वर्ष भने कोरोना भाइरस (कोभिड–१९ का कारण हुन सकेको थिएन।
प्रतियोगिता यही माघ २८ देखि फागुन ६ गतेसम्म काठमाडौँको ज्ञानेश्वरको सानो गौचरण खेलकुद मैदानमा हुने खुम्जुङ युवा क्लबका महासचिब पासाङ छिरिङ शेर्पाले जानकारी दिए।
८ टिम सहभागी प्रतियोगितामा १५ खेल हुनेछन्
