सहिद स्मारक ए डिभिजन लिगका लागि फ्रेण्ड्स क्लबले उर्जन श्रेष्ठलाई प्रशिक्षक नियुक्त गरेको छ।
फ्रेण्ड्सले लिगका लागि श्रेष्ठसँग सम्झौता गरेको बुधबार घोषणा गरेको हो।
उर्जन अघिल्लो सिजन थ्री स्टार क्लबको प्रशिक्षक थिए। त्यसपछि उनले नेपालको यू-१७ टिमलाई प्रशिक्षण गराएका थिए।
यो सिजनको लिग आगामी फागुन १९ गतेदेखि सुरु हुँदैछ।
लिगका लागि फ्रेण्ड्सले अमित तामाङ, प्रेम भण्डारी, आरोन थापा, दोना थापा, रुपेश केसी, असिम भुषाल, विशाल सुनार र राजेश परियारसँग सम्झौता गरिसकेको छ।
उसले लिगको पहिलो खेल नवप्रवेशी खुमलटारसँग खेल्नेछ।
