इंग्लिस क्लब चेल्सीले युइएफए च्याम्पियन्स लिगको प्रि–क्वाटरफाइनलको पहिलो लेगमा जर्मन क्लब बोरूसिया डर्टमुन्डसँग स्तब्ध भएको छ।
घरेलु टोली डर्टमुन्डले चेल्सीलाई १–० ले हराएको हो। डर्टमुन्डको जितमा करिम एडियमीले निर्णायक गोल गरे।
सिग्नल इडुना पार्क डर्टमुन्डमा बुधबार राति भएको प्रतिस्पर्धात्मक खेलमा दुवै टोलीले गोलको केही अवसर सिर्जना गरे पनि सदुपयोग गर्न सकेनन्।
पहिलो हाफ गोलरहित बराबरीमा सकिए पनि ६३औं मिनेटमा करिक एडियमीले गोल गर्दै घरेलु टोली डर्टमुन्डलाई अग्रता दिलाए। उक्त अग्रता जोगाउँदै घरेलु टोलीले चेल्सीमाथि जित निकाल्यो।
अब दोस्रो लेगको खेल चेल्सीको मैदानमा आगामी मार्च ७ मा हुनेछ। डर्टमुन्डलाई क्वाटरफाइनल पुग्न यहीँ नतिजा पर्याप्त हुनेछ। चेल्सीलाई जितको विकल्प छैन।
