रियल म्याड्रिडले सहज जित दर्ता गर्दै स्पेनिस ला लिगामा शीर्षस्थानको बार्सिलोनासँग अंक दूरी छोट्याएको छ।
उपाधिको दाबेदार घरेलु टोली रियलले ओसासुनालाई २–० गोल अन्तरले हराउँदै शीर्षस्थानको बार्सिलोनासँगको अंक दूरी ५ मा छोट्याएको हो।
पाम्पलोनामा गए राति कप्तान करिम बेन्जेमा र मिडफिल्डर टोनी क्रुसबिना नै मैदान उत्रिएको रियललाई जिताउन फेडे भाल्भेर्डे र मार्को एसेन्सियोले गोल गरे।
पहिलो हाफ गोलरहित बराबरीमा सकिए पनि दोस्रो हाफको ७८औं मिनेटमा भाल्भेर्डेले गोल गर्दै रियललाई अग्रता दिलाए।
खेलको अन्त्यतिर इन्ज्युरी समयमा मार्को एसेन्सियोले गोल गर्दै रियलको जित निश्चित गरे। यो जितसँगै दोस्रो स्थानमा रहेको रियलको २२ खेलबाट ५१ अंक पुगेको छ। एक खेल कम खेलेको बार्सिलोनाको ५६ अंक छ।
पराजित ओसासुना ३० अंक जोडेर १०औं स्थानमा छ।
