नटिङघम फरेस्टसँग १-१ को बराबरीमा रोकिएसँगै साबिक विजेता म्यानचेस्टर सिटीले इङ्लिस प्रिमियर लिगको शीर्ष स्थानमा उक्लिने मौका गुमाएको छ।
गए रातिनै आर्सनलले एस्टन भिल्लामाथि ४-२ को रोमाञ्चक जित निकाल्दा बराबरीमा रोकिएको सिटीले शीर्ष स्थानमा उक्लिने मौका गुमाएको हो।
खेलको ४१ औं मिनेटमा बर्नाडो सिल्भाले गोल गर्दै खेलमा सिटीले सुरूआती अग्रता लिएको थियो। अन्तिम समयसम्म अग्रता जोगाउन नसक्दा सिटी अंक बाँड्न बाध्य भयो।
खेल सकिन ६ मिनेट बाँकी रहँदा उडले गोल गर्दै नटिङघम फरेस्टलाई खेलमा फर्काएका थिए । यो बराबरीसँगै सिटी २४ खेलबाट ५२ अंक जोडेर दोस्रो स्थानमा झरेको छ। शीर्ष स्थानमा उक्लिएको आर्सनल २३ खेलमा ५४ अंक जोडेको छ।
२३ खेलमा ४६ अंक जोडेको म्यानचेस्टर युनाइटेड तेस्रो स्थानमा रहँदा ४१ अंक जोडेको न्युक्यासल युनाइटेडको चौथो स्थानमा छ। शनिबार नै सम्पन्न खेलमा न्युक्यासलले आठौं स्थानको लिभरपुललाई २-० को नतिजा सुम्पिएको थियो।
