सहिद स्मारक ए डिभिजन लिगको साविक विजेता मछिन्द्र फुटबल क्लब सिजनको पहिलो खेलमै पराजित भएको छ।
सिजनको पहिलो चरणको अन्तिम खेलमा साविक विजेता मछिन्द्रलाई जावलाखेल युथ क्लबले ३-१ गोलले पराजित गर्यो।
खेलको २३औं मिनेटमा देवेन्द्र तामाङको गोलबाट मछिन्द्रले अग्रता लिएको थियो।
जावलाखेलका लागि ६० मिनेटमा हिसुव थपलियाले बराबरी गोल फर्काए।
६४ मिनेटमा मोसाबीले गोल गरेपछि जावलाखेलले खेलमा अग्रता लिन सफल भयो।
७१ मिनेटमा सिमान्त थापाले अर्को गोल थप्दा जावलाखेल जिततर्फ अघि बढेको थियो।
