स्पेनिस ला लिगामा रियल म्याड्रिड बराबरीमा रोकिएको छ। रियल घरेलु टोली रियल बेटिससँग गोलरहित बराबरीमा रोकिएको हो।
बेनिटो भिल्लामार सेभिल्लामा आइतबार राति भएको खेलमा रियलले घरेलु टोलीमाथि दवाव बढाए पनि गोल गर्न नसक्दा बराबरीमा रोकिन बाध्य बन्यो।
यो बराबरीसँगै रियलको उपाधि होड कमजोर बनेको छ। बराबरीपछि दोस्रो स्थानमा रहेको रियल शीर्षस्थानको बार्सिलोनासँग ९ अंकले पछि परेको छ।
रियलको २४ खेलबाट ५३ अंक भएको छ समान खेलबाटै शीर्षस्थानमा रहेको बार्सिलोनाको ६२ अंक छ। रियललाई बराबरीमा रोकेको रियल बेटिस ४१ अंक जोडेर पाँचौं स्थानमा छ।
