नेपाली राष्ट्रिय फुटबल टोलीका पूर्वप्रशिक्षक अब्दुल्लाह अल्मुताइरी वर्ष २०७८ को उत्कृष्ट प्रशिक्षक भएका छन्।
नेपाल खेलकुद पत्रकार मञ्च (एनएसजेएफ) ले मंगलबार राजधानीमा विशेष कार्यक्रमको आयोजना गरेर यसवर्षको उत्कृष्ट प्रशिक्षकको अवार्ड अल्मुताइरीलाई हस्तान्तरण गरेको हो।
यो विधामा क्रिकेटका डेभ वाटमोर, भलिबलका जगदिश भट्ट, तेक्वान्दोका कविराज नेगी र बक्सिङका दीपक महर्जन मनोनयनमा थिए।
यस्तै युवा खेलाडीको अवार्ड फुटबलर मनिष डाँगीले जितेका छन्। यो विधामा फुटबलका डाँगीसँगै बक्सिङका छिरिङ वाङ्दी शेर्पा, ब्याडमिन्टनकी रसिला महर्जन, फुटबलकी प्रीति राई र भलिबलकी उषा भण्डारी मनोनयनमा परेका थिए।
तस्बिरहरूः नवीनबाबु गुरूङ/सेतोपाटी
