सहिद स्मारक ए डिभिजन लिगमा मनाङ मर्स्याङ्दी क्लबले पहिलो जित हात पारेको छ।
मनाङले बुधबार साँझ दशरथ रंगशालामा भएको खेलमा संकटा क्लबलाई १-० गोलले पराजित गर्दै सिजनमा पहिलो जित हात पारेको हो।
पहिलो खेलमा बराबरीमा रोकिएको मनाङका पहिलो जित दिलाउने क्रममा सायिजामोल डोभ्लाजोनोभ गोल गरे। उनले खेलको ५८ मिनेटमा गरेको गोल निर्णायक सावित भएको हो।
यसअघि दशरथ रंगशालामा भएको खेलमा हिमालयन शेर्पा क्लबले नेपाल पुलिस क्लबलाई १-० गोलले नै हराएको थियो।
यस्तै च्यालस मैदानमा भएको खेलमा सातदोबाटो युथ क्लबले एपिएफलाई पनि १-० गोलले पराजित गरेको थियो।
