सहिद स्मारक ए डिभिजन लिगमा त्रिभुवन आर्मी क्लबलाई एनआरटीले बराबरीमा रोकेको छ।
च्यासल मैदानमा भएको खेल ३-३ गोलको बराबरीमा सकिएको हो।
आर्मीले पहिलो हाफमा १-० गोलको अग्रता लिएको थियो। तर दोस्रो हाफमा पाँच गोल भएको थियो।
एक खेलमा जित हात पारेको आर्मीको यो दोस्रो बराबरी हो।
अघिल्लो दुवै खेलमा पराजित भएको एनआरटीले भने पहिलो अंक जोड्न सफल भएको छ।
यता मछिन्द्र क्लब र मनाङ मर्स्याङ्दी क्लबले गोलरहित बराबरी खेलेका छन्।
एन्फा कम्प्लेक्समा भएको खेलमा बराबरीमा सकिएसँगै साविक विजेता मछिन्द्रले पहिलो अंक जोड्न सफल भएको छ।
मछिन्द्र अघिल्ला दुवै खेलमा पराजित भएको थियो। मनाङले दोस्रो बराबरी खेलेको हो।
