सहिद स्मारक ए डिभिजन लिगमा नवप्रवेशी टिम एफसी खुमलटारले दोस्रो जित हात पारेको छ।
सोमबार च्यासल मैदानमा भएको खेलमा खुमलटारले हिमालयन शेर्पालाई २-१ गोलले हराउँदै सिजनमा दोस्रो जित हात पारेको हो।
खुमलटारका लागि खेलको २२औं मिनेटमा मनिष थापाले पहिलो गोल गरेका थिए।
६५ मिनेटमा स्टेफिन बिनोङले खुमलटारको अग्रता दोब्बर पारे।
शेर्पाका लागि विश्वास श्रेष्ठले खेलको ८० मिनेटमा गरेको गोल सान्त्वनामा सीमित बन्यो।
लिगमा दोस्रो जित हात पारेसँगै खुमलटार ६ अंक जोड्दै अंक तालिकाको चौथो स्थानमा उक्लिएको छ। ४ खेलबाट ४ अंक जोडेको शेर्पा दशौं स्थानमा झरेको छ।
