सहिद स्मारक ए डिभिजन लिगमा शीर्ष स्थानको चर्च ब्वाइज युनाइटेडको जित यात्रा रोकिएको छ।
एन्फा कम्प्लेक्स सातदोबाटोमा भएको खेलमा चर्च ब्वाइजले संकटा क्लबसँग गोलरहित बराबरी खेलेको हो।
संकटाका मनिष डाँगीले दोस्रो हाफको अन्तिम मिनेटमा पेनाल्टी मिस गरेका थिए। उनको पेनाल्टीलाई चर्च ब्वाइजका गोलकिपर प्रिसोले विफल पारे।
चर्च ब्वाइजले यसअघि लगातार तीन खेलमा जित निकालेको थियो। संकटा भने दोस्रो खेलमा बराबरीमा रोकिएको हो।
संकटाले एक खेलमा जित र एक खेल हार पनि बेहोरेको छ।
यता दशरथ रंगशालामा भएको खेलमा फ्रेन्ड्सले पहिलो जित हात पारेको छ। फ्रेन्ड्सले जावलाखेललाई २-१ गोलले हरायो।
फ्रेन्ड्सका लागि १९ औं मिनेटमा रफिक अमिनुले पहिलो गोल गरे। ४० मिनेटमा प्रकास बुढाथोकी अग्रता दोब्बर पारे।
लिगमा चर्च ब्वाइज ४ खेलबाट १० अंक जोड्दै शीर्ष स्थानमा छ। संकटा पाँच अंक जोडेर छैटौं स्थानमा उक्लिएको छ।
पहिलो जित हात पारेको फ्रेन्ड्स दशौं स्थानमा रहेको छ। जवालखेल भने ७ अंकसहित तेस्रो स्थानमा छ।
