युक्रेनमाथि सहज जित निकाल्दै इंग्ल्याण्डले युरो २०२४ छनोटमा लगातार दोस्रो जित निकालेको छ।
वेम्बलीमा गएराति भएको खेलमा इङ्ल्याण्डलाई जिताउन ह्यारी केन र बुकायो साकाले १-१ गोल गरे।
खेलको ३७ औं मिनेटमा केनले गोल गर्दै इङ्ल्याण्डलाई सुरूआती अग्रता दिलाएका थिए। ५५ औं अन्तर्राष्ट्रिय गोल गर्ने क्रममा केनले साकाको क्रसलाई सदुपयोग गरे। त्यसको तीन मिनेटपछि हेन्डर्सनको पासमा साकाले गोल गर्दै इङ्ल्याण्डलाई पहिलो हाफमै २-० को अग्रता दिलाए।
दोस्रो हाफमा उत्कृष्ट प्रदर्शन गरेको युक्रेनले गोल गर्न नसक्दा युरो छनोट हारबाट सुरूआत गर्यो। यता लगातार दोस्रो जित निकालेको इङ्ल्याण्डले समूह सीमा ६ अंक जोड्दै शीर्ष स्थानमा छ। इङ्ल्याण्डले पहिलो खेलमा इटालीलाई हराएको थियो।
