एर्लिङ हालाण्डको उत्कृष्ट प्रदर्शनमा म्यानचेस्टर सिटीले रेलिगेसनको खतरामा परेको साउथह्याम्प्टनमाथि सहज जित निकालेको छ।
हालाण्डले दुई गोल गरेपछि ४-१ को जित निकालेको सिटी प्रिमियर लिगको शीर्ष स्थानको आर्सनलसँगको अन्तर पाँच अंकमा छोट्याएको छ।
ग्रोइन इन्जुरीका कारण लिभरपुलमाथि सिटीको अघिल्लो लिग जितमा अनुपस्थित हालान्डले पहिलो हाफकोङ्क अन्त्यमा गोल गर्दै सिटीले सुरूआती अग्रता लियो। केभिन डे ब्रुइनले आफ्नो १०० औं प्रिमियर लिग सहयोगमा हालान्ड उत्कृष्ट गोल गरे।
खेलको ५८ औं मिनेटमा ग्रेलिसले गोल गर्दै सिटीको अग्रता अग्रता दोब्बर बनाए। त्यसको १० मिनेटपछि हालान्डले बाइसाइकल मार्फत व्यक्तिगत दोस्रो गोल गरेपछि सिटीले अग्रता तेब्बर पार्यो। त्यसपछि खेलको ७२ औं मिनेटमा माराले गोल गर्दै साउथह्याम्पटनलाई खेलमा फर्कने संकेत दिए।
त्यसपछि ७५औं मिनेटमा अल्भारेजले पेनाल्टीमा गोल गर्दै सिटीको सहज जित पक्का गराए। यो जितसँगै दोस्रो स्थानमा रहेको सिटीले शीर्षस्थानको आर्सनलसँगको अंक दुरी ६ मा छोट्याएको छ। सिटीको २९ खेलबाट ६७ अंक पुगेको छ।
समान खेलबाटै आर्सनलको ७२ अंक भएको छ। पराजित साउथह्याम्टन २३ अंक जोडेर पुछारमा छ।
