सहिद स्मारक ए डिभिजन लिगमा सय गोल पूरा गर्दै कीर्तिमान बनाएका सन्तोष साहुखल थ्रीस्टार क्लबमा आबद्ध भएका छन्।
उनी यो सिजनको ए डिभिजन लिगका लागि क्लबमा आबद्ध भएको थ्रीस्टारले जनाएको छ। सन्तोषले पछिल्लो पटक सात वर्षअघि थ्रीस्टारबाट खेलेका थिए।
गत सिजन उनले च्यासल युथ क्लबबाट लिग खेलेका थिए।
उनले २०७६ को लिगमा सय गोलको कोशेढुंगा पार गरेका थिए।
साहुखलले २०६० मा थ्रीस्टार क्लबबाट आफ्नो ए डिभिजन यात्रा सुरु गरेका थिए। संकटाविरुद्ध खेलमा डेब्यू गरेका उनले आफ्नो पहिलो खेलमै गोल गरेका थिए। पहिलो सिजनमा उनले थ्रीस्टारबाट ६ गोल गरे।
यो सिजनसहित १३ औं लिग खेल्न लगेका सन्तोषले थ्रीस्टारबाट सातौं सिजन खेल्न लागेका हुन्।
नेपाली लिगमा १९ वर्ष बिताइसकेका सन्तोषले थ्रीस्टारबाट सबैभन्दा बढी गोल गरेका छन्। उनले थ्रीस्टारबाट ६६ गोल गरेका छन्। उनले २०६६/६७ को लिग सिजनमा सर्वाधिक १९ गोल गरेका थिए।
उनी हाल जापानमा बस्दै आएका छन्। जापानमै बच्चाहरुलाई प्रशिक्षण दिन्छन् र आफू पनि खेल्छन्।
यो पनि हेर्नुहोस् :-
