यो सिजन स्पेनिस ला लिगा फुटबलमा खराब प्रदर्शन गरिरहेको रियल मड्रिडले विजयी यात्रा सुरू गरेको ५।
शनिबार राति अवे मैदानमा भएको खेलमा रियल मड्रिडले एलाभेसलाई २–१ ले हराउँदै जीतको लय पक्रिएको हो।
रियल मड्रिडको जितमा दुवै गोल डानी सेबालोस फर्नान्डेजले गरेका थिए।
डानीले १० औं मिनेटमा गोल गर्दै रियल मड्रिडलाई सुरुवाति अग्रता दिलाए । ४० औं मिनेटमा सान्चेजले एलाभेसका लागि बराबरी गोल फर्काए । तर त्यसको तीन मिनेटपछि डानीले व्यक्तिगत दोस्रो गोल गर्दै रियल मड्रिडलाई २–१ को जित दिलाउन महत्वपूर्ण भूमिका खेले ।
क्रिष्टियानो रोनाल्डोले गोल गर्ने केही राम्रा प्रयास गरे पनि गोल गर्न सकेनन्। एलाभेसका लागि गार्सिया सान्चेजले एक गोल फर्काए।
यो सिजन रियल बेटिसबाट रियल मिड्रड आएका डानी सेबालोसले आफ्नो पहिलो खेलमा नै दुई गोल गरेका हुन्।
खेलको अन्तिम तिर दुवै टिमले गोल गर्ने राम्रो प्रयास गरेका थिए। तर खेलमा थप गोल हुन सकेन । जितपछि ६ खेलबाट ११ अंक जोडेको रियल मड्रिड चौथो स्थानमा उक्लिएको छ । शीर्ष स्थानको बार्सिलोनाको ६ खेलबाट १८ अंक भएको छ। राति नै भएको खेलमा सेभिल्लालाई २–० ले हराएको एथ्लेटिको मड्रिड १४ अंकसहित दोस्रो स्थानमा उक्लिएको छ । १३ अंक रहेको सेभिल्ला तेस्रो स्थानमा छ । शनिबार राति नै भएको खेलमा एथ्लेटिको बिल्बाओले मालागासँग ३–३ को बराबरी खेल्दै अंक बाँडेको छ ।
https://www.youtube.com/watch?v=6JIYM9XQlIc&feature=youtu.be
