३२ वर्षपछि संयुक्त राज्य अमेरिका सहभागी नभएको विश्वकप फुटबल हुने भएको छ। अर्को वर्ष रसियामा हुने विश्वकप फुटबल प्रतियोगिताका लागि अमेरिका छनौट हुन असफल भएको हो।
बुधबार बिहान भएको खेलमा ट्रिनिडाड एण्ड टोबोकोसँग २–१ ले पराजित भएपछि ३२ वर्षपछि पहिलो पटक अमेरिका विश्वकपमा छनौट हुन सकेन।
छनौट खेलको १७ औं मिनेटमा अग्रता लिएको ट्रिनिडाड एण्ड टोबोकोले पहिलो हाफ सकिँदा २– ० ले अगाडि थियो।
दोस्रो हाफको सुरुमा एक गोल फर्र्काए पनि अमेरिकी खेलाडीले थप गोल गर्न सकेनन्।
ट्रिनिडाड एण्ड टोबोकोसँगको हारसँगै अंकतालिकाको पाँचौंस्थानमा परेपछि अमेरिकाको रसिया सपनामाथि तुषारापात भएको हो।
