इन्डोनेसियामा जारी एसियन गेम्स अन्तर्गत प्याराग्लाइडिङमा आयोजक इन्डोनेसियाको टिमले पुरूष टिम एक्कुरेसीमा स्वर्ण पदक जितेको छ।
पहिलो पटक समावेश गरिएको प्याराग्लाइडिङमा कोरियाले रज्त तथा थाइल्याण्डले कास्य जित्यो।
पदकको आशा गरिएको नेपाली पुरूष टोली १५ टोली मध्ये आठौं भयो।
यस्तै महिला टिम एक्कुरेसीमा थाइल्याण्डले स्वर्ण जित्दा आयोजक इन्डोनेसियाले रजत तथा कोरियाले कास्य जित्यो। ९ टिममध्ये नेपाल सातौं भयो।
पुरूष र महिला दुवैको व्यक्तिगत एक्कुरेसीको फाइनल बिहीवार हुनेछ।
शुक्रबारबाट पुरुष र महिलाको टिम क्रसकन्ट्रीको विधाको खेलहरु हुनेछन्।
