विश्व नम्बर १९ टेनिस खेलाडी ग्रिगोर दिमित्रोभ कोरोना भाइरसबाट संक्रमित भएका छन्।
विश्व नम्बर एक सर्वियन टेनिस स्टार नोभाक जोकोविचसँगै अड्रिया टुर इभेन्ट्स खेलेका दिमित्रोभले कोरोना संक्रमित भएको सार्वजनिक गरेका हुन्।
२९ वर्षीय बुल्गेरियन खेलाडीले क्रोएसियामा खेलिरहेको प्रतियोगिताबाट नाम फिर्ता लिएका छन्। यसअघि उनले प्रतियोगिताको पहिलो खेलमा बर्ना कोरिकसँग हारेका थिए। त्यसपछि सन्चो नहुँदा उनको कोरोना परीक्षण गरिएको थियो।
कोरोना संक्रमित बनेपछि उनले आफ्नो कारणले अरुलाई असर गरेको भन्दै माफी मागेका छन्।
उनलाई कोरोना संक्रमण भएपछि प्रतियोगिता रद्द गरिएको छ।
दिमित्रोभले गत साता पहिलो प्रतियोगिता सर्वियाको बेल्ग्रेडमा खेलेका थिए।
