थाइल्याण्डमा जारी यू-२२ महिला तथा पुरुष बक्सिङ प्रतियोगिताको खेल तालिका सार्वजनिक भएको छ।
एसियन बक्सिङ कन्फेडरेसनको आयोजना एवम् थाइल्याण्ड बक्सिङ संघको निमन्त्रणामा थाइल्याण्डको राजधानी बैंककमा जनवरी २७ तारिखसम्म सञ्चालन हुन एएसबिसी यू-२२ मेन्स एन्ड ओमेन्स बक्सिङ च्याम्पियनसिप २०२३ मा नेपालकी त्रिसा जवेगुले ७५ किलो तौल समूह र विजय बाटाले ८६ किलो तौल समूहमा बाइ पाएर कास्य पदक पक्का गरेका छन्।
जवेगुले सेमिफाइनलमा भारतीय खेलाडी मुस्किता माईसँग प्रतिष्पर्धा गर्नेछिन् भने विजयले काजकिस्तानका येरजहान गुलसायासँग सेमिफाइलमा भिडन्त गर्नेछन्।
हेमा राईले महिला ५७ किलो तौल समूहमा क्वार्टरफाइनलमा सिंगापुरका खेलाडी चाव जी मिन बेरनिससँग प्रतिस्पर्धा गर्नेछन्।
महिला ४८ किलो तौल समूहमा सुस्मा तामाङले भियतनामी खेलाडी फाम थि किनहानसंग क्वार्टरफाइनलमा खेल्नेछिन्।
पुरुष ४८ किलो तौल समूहमा नेपालका लालप्रसाद उप्रेतिले फिलिपिन्सका दुरेन मार्क लेफचरसँग क्वार्टरफानलमा खेल खेल्नेछन् भने ५७ किलो तौल समूहमा नेपाली खेलाडी इन्द्रबहादुर सुनारले क्वार्टरफाइनल खेल लाओसका खेलाडी सोक्साखोनसँग खेल्नेछन्।
