नेपाल ट्रायाथलन संघको आयोजनमा पोखरामा सम्पन्न दुवाथलनतर्फको उपाधि युएईका साउद अलजावी र भारतकी स्नेहल सुनिल जोशीले हात पारेका छन्।
२०२३ एसियन ट्रायाथलन कप तथा दक्षिण एशियन च्याम्पियनसिपअन्तर्गत भएको दुवाथलन खेलमा साउदले ५ किमी दौड, २० किमी साइक्लिङ र २.५ किमी दौडको दूरी ५९ मिनेट २७ सेकेन्डमा पूरा गरे।
यस्तै जोशीले १ घन्टा १२ मिनेट १९ सेकेन्डमा पुरा गर्दै उपाधि जितिन्।
पुरुषतर्फ नेपालका हिमाल टमाटाले ५९ मिनट ४७ सेकेन्ड र बसन्त थारुले १ घन्टा २ मिनट ९ सेकेन्डमा दूरी पूरा गर्दै क्रमशः दोश्रो र तेश्रो स्थान हात पारे।
महिलातर्फ भारतकी सन्जना सुनिल जोशी १ घन्टा १३ मिनेट २५ सेकेन्ड समयका साथ दोश्रो र नेपालकी हुमी बुढा मगर १ घन्टा १४ मिनेट ३० सेकेन्ड समयका साथ तेश्रो भए।
