महिन्द्रा मेगा सर्भिस क्याम्प सम्पन्न भएको छ।
नेपालको लागि महिन्द्रा गाडीहरुको आधिकारिक बिक्रेता अग्नि ग्रुप अन्तर्गत बालाजू अटोवर्कसले महिन्द्रा फोर ह्वीलर गाडीहरुको लागि नेपालभर रहेका वर्कसपहरुबाट एकै साथ फ्री सर्भिसिङ्ग क्याम्प आयोजना गरेको थियो।
यो योजनामा निःशुल्क सर्भिसिङ्गको साथ–साथै स्पेयर पाटर््स, लुब्रिकेन्ट, तथा अन्य एसोसरिजहरुमा पनि विशेष छुटको व्यवस्था मिलाइएको कम्पनीले जनाएको छ।
मेला अवधिभर स्पेयर पार्टस खरिदमा १२ प्रतिशत, लुब्रिकेन्टमा १५ प्रतिशत तथा एसोसरिजहरुको खरिदमा विशेष छुटको समेत व्यवस्था गरिएको थियो।
यो मेगा सर्भिस क्याम्पमा महिन्द्रा गाडीलाई दक्ष प्राविधिकहरुले विभिन्न ७५ जाँच गरेका थिए।
साथै यस सर्भिस क्याम्पमा ग्राहकहरुलाई निःशुल्क स्वास्थ्य सेवा पनि प्रदान गरिएको थियो। जसमा आँखा, ब्लड प्रेसर, सुगर साधारण उपचारका सेवाहरु प्रदान गरिएको थियो।
