दुगड ब्रदर्श एण्ड सन्स संगको सहकार्यताका साथ महिन्द्रा एण्ड महिन्द्रा कम्पनीले हेटौडामा वर्कसपको निर्माण गरेको छ।
सो वर्कसपको उद्घाटन सञ्जय जादव (हेड अफ इन्टरनेशनल अपरेसन साउथ एसीया महिन्द्रा एण्ड महिन्द्रा), विवेक दुगड (प्रवन्धनिर्देशक दुगड़ ब्रदर्श एण्ड सन्स) र चैतन्य कागलकार (कन्ट्री हेड नेपाल, भुटान महिन्द्रा एण्ड महिन्द्रा)ले संयुक्त रुपमा गरे।
दुगडका अनुसार ग्राहकलाई थप गुणस्तरीय सेवा सुबिधा दिने उद्धेश्यले सो वर्कसपको निर्माण गरीएको हो ।
सो वर्कसप ६हजार ८ सय बर्ग फिट क्षेत्रफलमा फैलिएको छ। जहाँ सात वटा सर्भीस वे सहीत पार्कीङ्गका लागी ६ सय बर्ग फिट क्षेत्रफल, वासिङ्गका लागी ३ हजार ५० बर्ग फिट क्षेत्रफल रहेको छ।
दुगडले यस वर्कसपमा ग्राहकका लागी ठुलो लाउन्ज, ड्राइभर रिटाइरीङ्ग लाउन्ज र लकरको पनि ब्यबस्था रहेको बताएको छ।
दुगड ब्रदर्श एण्ड सन्सले महिन्द्रा सँग सहकाय गर्दै आएको छ।
महिन्द्रको २० वटा शाखा कार्यालय, २८ सर्भीस सेन्टर रहेको दुगडले जनाएको छ।
