बेनेली नेपालले 'सोझै २५ हजार छुट' योजना सार्वजनिक गरेको छ।
बेनेली मोटरसाइकलको नेपालका लागि आधिकारिक वितरक केटिएम इन्टरनेश्नल ट्रेडिङ प्रालिले नयाँ वर्ष नजिकिदै गर्दा उक्त अफर सार्वजनिक गरेको हो।
'सोझै २५ हजार छुट' अफरअन्तर्गत बेनेलीको मोटरसाइकल तथा स्कुटर खरिद गर्दा ग्राहकले सोझै २५ हजार नगद छुट पाउनेछन्। यो अफर नगद, एक्सचेन्ज र फाइनान्समा बाइक तथा स्कुटर खरिद गर्दा लागु हुने कम्पनीले जनाएको छ। उक्त अफरबारे कम्पनीले आफ्नो आधिकारिक फेसबुक पेजबाट घोषणा गरेको हो।
नेपाली बजारमा बेनेलीको १३५ सिसीदेखि ७५० सिसीसम्मको बाइकहरू उपलब्ध छन् भने कम्पनीले १२५ सिसीको प्यानेरिया स्कुटर पनि बिक्री गर्दैछ।
इटालियन ब्रान्ड बेनेलीको प्रिमियम स्कुटर पानारिया-१२५को बजार मूल्य ३ लाख ३२ हजार ९ सय रुपैयाँ तोकिएको छ।
