जगदम्बा मोटर्सले काठमाडौंको टोखामा पूर्ण सुविधासहितको नयाँ सोरुम 'टोखामी अटो हब' सञ्चालनमा ल्याएको छ।
ग्राहकहरूलाई टिभिएस मोटरसाइकल तथा स्कुटरको बिक्री, सेवा र स्पेयर पार्टस सहज रूपमा उपलब्ध गराउने उद्देश्यका साथ नयाँ सोरुम सञ्चालनमा ल्याइएको हो।
टोखाको नयाँ सोरुम उद्घाटनमा बोल्दै जगदम्बा मोटर्सका उपाध्यक्ष दीपक रौनियारले भने,'टिभिएसमा ग्राहकहरूलाई अझ राम्रो सेवा प्रदान गर्न हामी सधैं प्रयासरत छौं। ग्राहकहरूलाई थप प्रभावकारी र छिटो-छरितो रूपमा सेवा दिन नयाँ सुविधाहरू थपिएको छ। टिभिएसले निरन्तर रूपमा आफ्ना ग्राहकहरूको सुविधा र गुणस्तरीय सेवामा ध्यान दिइरहेको छु।'
जगदम्बा मोटर्स टिभिएसको एक मात्र आधिकारिक वितरक हो। कम्पनीको नेपालभर १३२ भन्दा बढी डिलरहरू छन्।
