टिभिएस मोटर कम्पनीको लागि नेपालको एकमात्र आधिकारिक वितरक जगदम्बा मोटर्सले नारायणघाटदेखि गोलाघाटसम्म एनओजी (एन्टर्क ओनर्स ग्रुप) राइड सम्पन्न गरेको छ।
गत साउन ८ गते आइतबार आयोजितत उक्त राइड चितवनको नारायणघाटबाट सुरू भएर गोलाघाटसम्म पुगेर समापन भएको थियो।
उक्त राइडमा सहभागीहरूबीच विभिन्न खेलहरू पनि खेलाइएको थियो। साथै, सहभागी सम्पूर्ण राइडरहरूलाई सहभागिताको प्रमाणपत्र हस्तान्तरण गरिएको कम्पनीले जनाएको छ। साथै, एक अनुशासित राइडरलाई मेडल पनि प्रदान गरिएको थियो।
करिब ६० जना राइडरहरू सहभागी भएको राइड सम्पूर्ण सुरक्षा सावधानीहरूका साथ नेपाल सरकारको अनुमति लिएर सञ्चालन गरिएको आयोजकले जनाएको छ।
राइडमा प्राविधिक टोलीले विभिन्न सडक सुरक्षाको बारेमा जानकारी दिँदै राइडरले अपनाउनुपर्ने नियम र सुरक्षाको जानकारी पनि प्रदान गरिएको थियो।
