यस्तो छ हुन्डाइको नयाँ कार

सेतोपाटी

दिल्ली, भदौ ६

हुन्डाइले आफ्नो लोकप्रिय कार 'भर्ना' को २०१७ मोडल भारतीय बजारमा सार्वजनिक गरेको छ। दिल्लीमा नयाँ भर्ना पेट्रोल संस्करणको मूल्य ७ लाख ९९ हजारदेखि १२ लाख २३ हजार भारूसम्म तोकिएको छ।

डिजेल संस्करणको ९ लाख १९ हजारदेखि १२ लाख ३९ हजार भारूसम्म तोकिएको छ।

पेट्रोल संस्करणमा १५९१ सिसि ४ सिलिण्डर इन्जिन छ जसले ६४०० आरपिएममा १२१ बीचएपी शक्ति र १५१ एनएम टर्क उत्सर्जन गर्छ। डिजेलमा संस्करणमा १५८२ सिसि इन्जिन छ जसले ४००० आरपिएममा १२६ बीचएपी शक्ति र २६० एनएम टर्क उत्सर्जन गर्छ।

कम्पनीले दावी गरेअनुसार यसको पेट्रोल संस्करणले १७.७ किलोमिटर प्रतिलिटर र डिजेलले २४.७ किलोमिटर प्रतिलिटर माइलेज दिन्छ।

नयाँ भर्नालाई कम्पनीले आफ्नो सेडान कार इलेन्ट्रा जस्तो बनाएको छ।

कारमानयाँ एलईडी डेटाइम रनिङ एलईडी लाइट्स छन्।

कारको इन्टेरियर पनि हालको मोडलभन्दा अलग बनाइएको छ। ड्यूल टोन इन्टेरियर्स थीमका साथमा ७ इन्चको इन्फोटेनमेन्ट सिस्टम सुविधा यसमा छ।

भर्नाको नयाँ मोडलमा क्रूज कन्ट्रोल, पुश बटन स्टार्ट र इलेक्ट्रिक सनरूफ जस्ता फिचरका साथमा दुई एयरब्याग छन्। सबैभन्दा महँगो संस्करणमा भने ६ वटा एयरब्याग छन्।

यो कार ६ रङमा उपलब्ध छ।