सेन्चुरी कमर्सियल बैंकको प्रमुख कार्यकारी अधिकृत पदमा अनिलकेशरी शाह नियुक्त भएका छन्। शाहले पुस १७ गतेदेखि कार्यभार सम्हाल्ने बैंकले जनाएको छ।
यसअघि मेगा बैंकमा सोही पद सम्हालेका शाहले त्यहाँको कार्यकाल पुरा भएपछि सेन्चुरी सम्हाल्ने भएका हुन्। नेप्सेमार्फत एक सूचना जारी गर्दै सेन्चुरीले बिहीबारको संचालक समिति बैठकले नियुक्तिको निर्णय गरेको जनाएको छ।
यसअघि सेन्चुरीका प्रमुख कार्यकारी अधिकृत अनुजमणि तिमिल्सनाले राजीनामा गरेपछि कामुका रुपमा जीवन भट्टराईले सम्हालेका छन्। यसअघि नविल तथा स्टान्डर्ड चार्टड बैंकमा रही शाहले लामो अनुभव समेत संगालेका छन्। उनी हाल बैंकर्स एसोसिएसनका अध्यक्ष समेत हुन्।
