जनता बैक र सिद्धार्थ इन्स्युरेन्स कम्पनी बीच आज बैंकासुरेन्स सेवा सम्बन्धी सम्झौता सम्पन्न भएको छ।
यस सम्झौता अनुसार ग्राहकले जनता बैंकको शाखा कार्यालयबाट उक्त कम्पनीको बीमा लेख प्राप्त गर्न, प्रिमियम भुक्तानी गर्न, दावी भुक्तानी लगायत सम्पूर्ण बीमा सेवा प्राप्त गर्न सक्नेछन्।
यस बाट ग्राहकले एकै स्थानबाट बैंकिङ सेवाका अतिरिक्त बीमा सम्बन्धि सुविधा पनि प्राप्त गर्न सक्ने बैंकले जनाएको छ।
बैंकको आफ्ना निक्षेप तथा कर्जा ग्राहकलाई एकद्वार सेवा प्रणाली मार्फत झन्झट रहित जीवन तथा निर्जीवन बीमा सेवा प्रदान गर्ने क्रमको निरन्तरता सँगै उक्त संझौता गरिएको जनाएको छ।
संझौता पत्रमा जनता बैंकका नायब प्रमुख कार्यकारी अधिकृत पृथ्वी श्रेष्ठ र सिद्धार्थ इन्स्युरेन्स कम्पनीका नायब महाप्रबन्धक मुरारी रेग्मीले हस्ताक्षर गरेका थिए।
